أهديناه فاهدانا ....

Please read it all

أهديناه فاهدانا
رائعة من القلب إلى كلّ قلب ... به حياة

أهديناه صقرا بقيمة مليون دولار

فباعنا اباتشي بقيمة مليون طفل مسلم .. وما يقهر أننا اشترينا!!

يرى في عيون صقره الجديد

ونرى في عيون صقوره المزيد

فصافحته تلك بشوق

كما أتونا جنوده مشتــاقيـــن

ذابت بطهارتها فيه حبا وشغفاً

كما ذابت فيه ألمااااااااااااااااااااااااااااااً

صورة بضحكة للبرواز

وصورة بحسرة للتاريخ

قااااااااااائمة طعام لذيذة قدمناها له

مقابل ما قدمه هو لأبنائنا من جوع

وقطعنا له الأكل بأيدينـــا

وبيديه قطع لنا الأشلاء

ودون استحياء تركناه ينظر لأطفالنا

فهو لا يستحـــي أن ينظر دون خجل لهؤلاء

ابتساااااااااااااامة

فبكاااااااااااااااااء

ورررررررود وأمل

قهـــــــــــــــــــــــــر

عاشوا عاشوا

ماتوا ماتوا

رقص

ذلّ

(لايطيح سيفك يا بوش (

إلا على رقاب الابرياء

رجــــال

أين هم الرجال ؟

نوع من الرقص

ونوع آخر من الرقص !!!

و لن ترضى عنك اليهود و لا النّصارى حتّى تتّبع ملّتهم

Un grand merci à Omar pour les photos

صورة جميلـــــــة ....

قم بتحريك "السّوري" من الأعلى إلى الأسفل على الصّورة لتنتقل من النّهار إلى اللّيل

مثل قلم الرّصــــاص...

الإنسان مثل قلم الرّصاص

ستكون قادرا على صنع العديد من الامور العظيمة

سوف تتعرض لبري مؤلم بين فترة وأخرى بواسطة المشاكل التي ستواجهها ولكنك ستحتاج هذا البري كي تصبح إنسانا أقوى

ستكون قادرا على تصحيح الاخطاء بتكرار المواقف التى تعترض طريقك






والجزء الاهم منك سيكون دائما هو داخلك




وفي اي طريق قد تمشي فعليك ان تترك أثرك




ومهما كانت ظروفك فيجب عليك ان تستمر بالكتابة وعليك ان تترك دائما خطا واضحا وراءك مهما كانت قساوة الموقف

إلّي بعدو يكبّر سعدو ...

ESS 2 - CSS 1
ألف مبروك
Super Coupe D'Afrique

لحقني الطّش ...

و بينما أنا نائم في سابع نومة , إذ بالبرباش و تلته منوّ يقوماني "بطڤيّ" ! و حين فتحت مدوّنتي لأرى ما حصل في غيابي, و جدتهما يطالباني بالخضوع لقوانين اللّعبة الّتي إشترك فيها كلّ المدوّنين التّونسيين , شيبا و شبابا, بنينا و بناتا.
أوّل حاجة , نذكّر بالقوانين إلّي باش نذكرهم كيما قالهم البرباش حرفيّا (نعرفو قلبو كبير و ما يقول شي كيف نسرقلو حاجة من المدوّنة متاعو )

" قبل ما نبدى يلزمني نذكّر بقانون اللعبة: يلزمني نذكر ستة حاجات على روحي، اي حاجات، تنجم تكون اسرار، عادات، اللي هو... المفيد نقول أي حاجة و السلام (و ربي يلهينا في حوايجنا)... و من بعد نطڤي ستة مدونين اخرين و نمشي نقوللهم اللي انا طڤّيتهم عبر التعليق في آخر تدوينة ليهم... بخلاصة، قانون اللعبة هو الآتي:

1 – نذكر و نحط الروابط متاع المدونين اللي طڤّوني.

2 – نحط القانون متاع اللعبة في المدونة متاعي.

3 – نقول ستة حاجات على روحي، مهمة، مش مهمة... هذيكه اموري

4 – نطڤّي ستة مدونين اخرين

5 – المدونين هذوكه، نقوللهم اللي أنا طڤّيتهم، في المدونات متاعهم " (البرباش بتصرّف)

بون, الحاجة لولا :

مانيش منظّم جملة , لا في نومي , لا في دبشي , لا في قرايتي, لا في ماكلتي... تنجّم تقول عدو النّظام

الحاجة الثّانية :

أوّل حاجة نعملها كي نقعد ع الطّاولة هي نحل الموسيقى و بلا موسيقى ما نعمل شي . مغروم بكل ما عندو علاقة بالفن من MP3 , MP4, Ipod ... و عندي منهم شكارة بكلهم عادمين خاترني نشري فيهم من " المنصف باي" و باقي ما نشعفّش

الحاجة الثّالثة :

عندي غرام بالفلالس و الدّجاج و اللّي يقرى مدوّنتي هذي يعرف علاش , و نتمنّى تكون عندي مزرعة نربّي فيها إلّي نحب ...

الحاجة الرّابعة :

ما نسئل على حد , وما نحبّش شكون يسئل عليّا, و ما نهز التّاليفون و نكلّم دارنا كان كي تاكل بعضها و لاّ يطلبوني هوما .حتّى إلّي في الخارج يطلب و يروّح أكثر منّي. ربّي يهديني...

الحاجة الخامسة :

كنّت قرّاي م البريمة , و ديما لول في الكلاس متاعي, لكن ملّي خذيت الباك , تقول عين و صابتني, ما شفتش النّور, و هاني توّا نشاللّه آخر عام و نحضّر للكنترول .ربّي يستر ( ما نعرفّش علاش تذكّرتك توّا يا برباش , هه هه هه )

الحاجة السّادسة :

الحاجة السّادسة هي أنّي نحب ... الكسكسي بالفول و القدّيد , و ما نحبّش القرع بأنواعو
أمّا هاك الحب متاع الكتب ... مازلّت نسمع بيه سمعان و نضحك كيف واحد يجي يحكيلي أنّو يحب فلانة ويموت علاها ... تعجبني فلانة ممكن, أما نحبها و نولّي ما نحكي كان علاها و ... صعيب برشة

الحاجة السّابعة : آه قلتو ستّة أكهو ...

أووف , كمّلت .توّا الجماعة إلّي باش نطڤّيهم هوما :

نهــاد

أحمد

جنيّد

WolfEinstein

خالـــد

بطّـــة

أنواع من النّاس ...

فمّا إلّي معمّل على روحو ... م الصّغرى




فمّا إلّي هازز حمل ... أكبر منّو

فمّا إلّي يحب يعرف ... كل شي

فمّا إلّي متحمّل المسؤوليّة ... من على بكري

فمّا إلّي المصايب شادّه جرتو

و فمّا إلّي بايعها بلــــــــــفته

قوم يزّي من النـــوم....

ما حبّش يقوم من السّرير السّيد. جرّب لهـــــــنا

صعيب برشة ...

صعيب برشة ... أنّك تلقى مواطن تونسي ما عندوش بورطابل
صعيب برشة ... أنّك تلقى موظّف ما هوش واخذ قرض و لاّ زوز
صعيب برشة ... أنّك تلقى واحد عرّس ها النّهارين من غير طلوقات و لاّ كريديات
صعيب برشة ... أنّك تمشي تقضي شورك في مؤسّسة عموميّة من غير ما تتعطّل
صعيب برشة ... أنّك تكمّل قرايتك و تشد خدمة ديراكت, بلاش واسطات و لاّ معارف
صعيب برشة ... أنّك تلقى بطّال ما يتكيّفش و لاّ ما يشيّش و ما يخمّمش في الحرقة
صعيب برشة ... أنّك تلقى فيلم تونسي باهي , تنجّم تتفرّج فيه مع الفاميليا
صعيب برشة ... أنّك تلقى مسلسل مكسيكي أقل من 100 حلقة
صعيب برشة ... أنّك تبني أحلام في ها البلاد ... و تحقّقها
صعيب برشة ... أنّك تلقى واحد لاباس عليه .. خاتر كمّل قرايتو
صعيب برشة ... أنّا ما نهزّوش البطولة عام السّنا
صعيب برشة ... أنّك تلقى واحد ما يهزّش في القفّة لعرفو ولاّ ...
صعيب برشة ... أنّك تلقى راجل ما يخافش من مرتو
صعيب برشة ... أنّو أشغال المترو تكمل عام السّنا
صعيب برشة ... أنّك تلقى قطّوس يصطاد لربّي

ظاهرلي طوّّّّّّّّّّّّّّّّّّّّّّّّلّت , أيّا في لامان

رسّام ... ليس كبقيّة الرسّامين

تبدو هذه الرّسوم عاديّة جدّا , لكنّها تصبح ذات قيمة عالية إذا عرفنا أنّ رسّام هذه اللّوحات أعمى

Esref Armagan
هو من أصل تركي , فاقد للبصر , و مخّه لا يحسّ بالضّوء بتاتا!
كيف يستطيع أن يرسم شيئا لم يره أبدا !
فسبحان اللّه القائل :
فإنّها لا تعمى الأبصار ولكن تعمى القلوب الّتي في الصّدور

أمنـيـــــات ...

اليوم مشيت عملّت طلّة على الأعداد متاعي في الفاك و ما فهمّت شي ! الماتيارات إلّي مشا في بالي سلّكتها فيهم و عدّيتهم بالباهي نلقى عندي فيهم نوتات مزمرة ! و الماتيارات إلّي ما فاهم منهم شي و بلبزتهم نلقى روحي سلّكتها فيهم !
على كل مانيش بعيد برشة عل معدّل و ما نعاودّش برشة ماتيارات . و تحيا "الفاك دي سيونس" أعز فاك في العالم و فاها أعز أساتذة في العالم خاصّة سي ... ولاّ خلّيني نكمّل ننجع قبل و بعد توّا نشبّعهم بالدّعاء ... الصاّلح

كفايا كفايــا...

كفايا كفايا
يزّيني منّك وخطاني
مل القراية راني ملّيت
اللّه غالب أنا عييت
هذاكا جهدي ما عطاني
احسبني غيمة و عدّيت
في حياتك مرّة وانساني
أي أي أي قتلتني جرحتني


بعد نتيجة الإمتحانات و ترشّحنا لدورة الأبطال, نحب نهدي للجّماعة إلّي طاحو معايا كنترول الكل هل غناية

روحي روحي وين ما بغيتي روحي روحي
خليني وحدي مع جروحي
شوفي غيري كان حبيت
يحس بدمعتي وبنوحي
ناري ناري
حرة ما تطفاشي
حاملها في قـلبي وماشي
الله غالب انا عييت عييت عييت

ظاهرلي باش نولّي فنّان يا جماعة و فك عليّا مل القراية

فاش نعمل آنا لهنا ؟ خلّيني نمشي نحظّر على روحي

النّتيجة....

بفففف !! ملاّ فدّة مل القراية !! اليوم هبطولنا النتيجة و كي العادة , واللّه لا يقطعلنا عادة , كنتــــــــــرول!!
صحيح آنا كل عام نطيح كنترول آما عام السّنا قلّت هذا آخر عام بالكشي يحشمو على رواحهم و ينجحونا مل برانسيبال, ياخي شي !
برّا عاد توّا عاود مد هاك الوراق و عاود ريفز ... يا ربّي صبّرنا بركة .
الحاجة الباهية عام السّنا هي أنّو برشة جماعة باش يعاودو معايا كنترول, و كيما يقولو مصيبة إذا عمّت خفّت .

حادث مرور...

غياب أي إشارة أو لافتة تدلّ على وجود هذا المنعرج الخطير الّذي يؤدّي إلى حي النزهة بأريانة, مع سرعة السّائق أدّيا إلى إرتطام هذه السّيارة بالحائط الإسمنتي قبل أن تتدلّى على حافة الوادي .

ولحسن الحظ, ساهمت صلابة السّيارة و" الآر باق" في نجاة السّائق المحظوظ ...
المفيد باش نتجنبو هل حوادث, يلزم كل واحد عندو كرهبة و يجي يتعدّى من ثنيّة ما يعرفهاش, يلزمو قبل كل شي يهبط يعمل دورة على ساقيه في الثّنيّة إلّي باش يتعدّى منها , و هكّا يعرف الحفر إلّي باش يعرضوه الكل و الفيراجات, و بعدها يرجع ياخو كرهبتو و يتعدّى, كانش يصيرلو كيما صار للّي عمل الحادث و يلقى روحو يعوم في واد ولاّ يخرجو فيه من حفرة نساو ما ردموهاش.
الحالة المزرية متاع كيّاساتنا و زيد عليها غياب البلايك و الإنارة ... كلّها عوامل تجعل من البلديّة شريكة في مثل ها الحوادث

التّفاهم العربي ... من أجل تحقيق المصلحة

الرّئيس الّذي تحدّى العالم...

بغضّ النّظر عن إنتماءاته أو سياساته أو إتّجاهاته , لا يزال الرّئيس الإيراني يدهشني و ينال إعجابي بتصرّفاته الّتي تدعو إلى الإحترام

فمن المدهش حقّا أن نعلم أنّ كلّ ثروته تتمثّل في سيّارة بيجو 504 و بيت قديم ورثه عن أبيه في إحدى الأحياء الفقيرة في إيران و حساب بنكي يتلقّى فيه راتبه من التّدريس في الجامعة. مع العلم أنّه لا يزال يعيش في نفس المنزل

و هذه صورته نائما في منزله إلتقتها أخوه الأصغر بالهاتف الجوّال و نقلتها العديد من وسائل الإعلام



و لقد قام بالتّبرّع بكلّ السجّاد الفاخرالذي يوجد في مكتب الرّئاسة إلى أحد المساجد و استبدله بسجّاد بسيط
كما يقوم هذا الرّئيس بالخروج لكنس الشّوارع مع عمّال البلديّة في المنطقة التي يقطنها !!!
و لقد قام أيضا بإلغاء الأكل الرّئاسي و اكتفى بالسّندويشات التّي تحضرها له زوجته و يحملها معه في كيس !!!



و لقد منع الإستقبال الرّسمي له و السّجاد الأحمر ...
وهذه بعض صوره

هكذا يلبس رئيس إحدى أهم الدّول النفطيّة في مجلس الأمن


في المسجد وسط المصلّين !!


في مؤتمر صحفي


لقطة تبقى في التّاريخ :)
يتمسّك بمبدئه و يمتنع عن المصافحة !!
(شخّت بالضّحك على ها اللّقطة)

عيد الحب ....و الكلب

عيد الحب... ورد , شكلاطة , قلوب لوز حمر ...
ملاّ سخافات و ملاّ روايق .
و البعض يقلّك هوّا الإسلام دعا للمحبّة و السّلام , هاهي مناسبة باهية باش ننشرو فيها هل محبّة!
يا خويا آنا أي عيد ما فيشي ماكلة ولاّ ذبيحة ما نحتفلّش بيه, لا متاع الشّجرة ولا متاع الأم ولا البو ...
خلّي عاد كيف يبدى لحكاية فاها قدّيس و خرافات و أساطير... و زيد على هذا الكل ما عنديش مع شكون باش نتبادل هل عبارات متاع العشق و الغرام ...
بالفلاّقي آنا نشوف أنّو من المؤسف أنّا نراو عباد تهنّي في بعضها بها العيد و نشوف أنّو هذا يتسمّا نوع من الجهل و التّقليد الأعمى للغرب و فقدان الشّخصيّة ... حتّى مشى في بالنا أنّو مادامنا خذينا منهم الكراهب و الطّيارات و التّكنولوجيا , نكملو ناخذو خرافاتهم و أعيادهم و كان لزم الدّين متاع والديهم فمّاش ما نولّيو كيفهم و لاّ حتّى خير منهم !!
نشالله بركة ربّي يحبّس علينا العقل إلّي كرّم بيه الإنسان على الحيوان و نتعلمو نخدموه و نعرفو بيه آش يصلح بينا و آش ما يصلحّش , و يولّي وقتها حد ما يتجرّا و يحل جلقتو و يقلّك "هابي سان فالنتــان"
ء

الفــــلالس ...

كيف كنّت نقرى في المكتب , كان عندي برشة وقت فراغ , هذا إذا كان موش وقتي الكل كان وقت فراغ. و بما أنّو ما كانش عندي لا أرديناتار لا ألعاب ولا هم يحزنون, و حتّى مل حومة الجديدة إلّي نقّلنالها وقتها ما فاها حد من عمري تقريبا باش نكوّر معاه ولاّ نعمل معاه عمايل كيما في الحومة القديمة, كنّت تغرمّت بالفلالس و بالدّجاج حتّى وين قريب باش يسمّوني فلّوس من كثّر ما ربّيتهم و عدّيت معاهم وقت...
بديتها ملّول بالفلالس متاع بو ميا, نشري زوز ولاّتلاثة و نصنعلهم بيت بكردونة و نعمللهم فيها بيبان و شبابك ... و بالطّبيعة هاك الفلالس نسمّيهم و نرقد كيف يرقدو و نقوم كيف يقومو و نوكّلهم ملّي ناكلو...
و نتذكّر أنّو أمّي كانت تكرهّم خاتر ريحتي ولاّت ديما بريحة الفلالس و ديما كانو يعملوها في كل بلاصة رغم أنّي كنت عامللهم تواليت في الكردونة متاعهم.
بالشّوياّ بالشّويّا النّشاطات متاعي إطّورت و زدّت شريت دجاجات عربي و سردوك و السّطح متاع دارنا ردّيتو زريبة . و نتذكّر أنّو أسعد لحظات حياتي كانت كيف نبدى نتفرّج على العظم يفقّس و الفلالس خارجة منّو و تلقاني نحسبلهم باللّحظة و الدقيقة وقتاش يفقسو.
المملكة متاعي كبرت و وصلّت في وقت ما ولاّ عندي خمسين فلّوس و ما عادش إنّجّم لا نسمّيهم لا نوكّلهم, شريتلهم مرّة نوع من العلف متاع دجاج المكينة و ما عرفتش باش نخلّطهولهم, و كانت النّتيجة أنهم كلاووه و ما نجموش يخرجوه... و في ظرف تلاثة أيّام ماتو الكل رغم كل محاولاتي اليائسة ... و كنّت وقتها تعزّيني نقبل العزى ...
إييييه, أيّامات ... الحقيقة لحد الآن مازلّت مغروم بيهم :)

Bill Gates enseigne son enfant

Planet ... meilleur AFI en Afrique

Africa Télécom People, qui décerne chaque année les Awards des meilleurs professionnels des télécommunications à l’échelle du continent africain à élu Planet Tunisie au rang du meilleur FAI (Fournisseur d’Accès Internet)
قريب باش نقطّع شعري كيف قريت هل خبر. ياخي للدّرجة هاذي الأنترنات أمورها تاعبة في إفريقيا؟
بربّي على شنوّا عطاوها هل جايزة, على الكنّاكسيون متاعهم الحموم, إلّي ولّيت معادش نستغرب كيف نحل لنترنات و نلقاها مقصوصة خاترني تسانسّت , ولاّ على السّرفيس الطّيارة إلّي عاملينو ولّي ما تتحصّل عليهم في التّاليفون كان ما يسمعوك ربع ساعة غنا وبعد كي تقلّو شبيكم قصّيتو عليّا لنترنات يبدى يعمل روحو يفسّرلي في المشكل و يستعمل في كلام تكنيك باش يغمني, جاب ربّي جيت قاري ريزو و نفهم, وديما المشكل موش منهم...آش خلاّني نخمّم نبدّل نعمل أ.د.س.ل عند أي واحد آخر. لكن بعد ما سئلّت , قلّت شد مشومك لا يجيك ما أشوم

أحلى مخــدّة...

يبقى الكلب هو أفضل صديق للإنسان يوصف بالوفاء و الأمانة لدرجة أنّو برشة عباد تفضّل صداقة الكلاب على صداقة البشر. و كيما يقولو (كلب صديق ... خير من صديق كلب) لأنّو ببساطة الكلب الصّديق ما يتخلاّش على مولاه في أصعب الأوضاع ... بينما الصّديق الكلب , حاشاكم, يجبد بصاحبو و يتخلّى عنّو أوّل ما إطّيح بيه الدّنيا

المنطــــاد...

رغم أنّي روحي باش تطلع لأنّو مازالت تستنّا فيّا جمعة كاملة من الإمتحانات, و ما زاد الطّين بلّة هو ماتشوات الكوب دافريك إلّي بصراحة ما تتفلّتش , إلاّ أنّي حبّيت نكتب حويجة في هل المدونة المحنونة باش ما يقولوش آش بيه هذا ما عادش لا يكتب لا يطل . وانا لحقيقة ديما في وقت الإمتحانات نولّي نكره لورديناتار و كل ما يتعلّق بالأنفرماتيك منين هب و دب خاصّة كيف تعدّي ديفوار و يطلع قرعة. على كل نشالله نخرجو بأخف الأضرار من هل غصرة.
و بهالمناسبة حبّيت نحكيلكم هل القصّة إلّي عجبتني خاترها أوّلا بالعربيّة الفصحى, و ثانيا تعكس برشة حقيقة, و ثالثا باش نكوبيها و نكلّيها ديراكت , و رابعا ... نسيت :



ذات يوم قرر أحد الأشخاص السفر بواسطة المنطاد بغرض التنزه. وأثناء طيرانه بالمنطاد ضل الطريق ولم يعد يعرف أين هو. فقرر أن ينزل بالمنطاد إلى ارتفاع أقل حتى يمكنه أن يسأل أحد المارة. ولما وصل إلى ارتفاع مناسب سأل أحد المارة قائلاً: هل يمكن أن تخبرني أين أنا الآن؟، فرد عليه الرجل قائلاً: نعم، أنت تقف في منطاد على ارتفاع 30 قدما من الأرض فوق هذا الحقل.بين 40 و 41 درجة شمالا , و 59 و 60 درجة غربا .
وسأله الرجل في المنطاد هل أنت مهندس؟ فدهش الرجل على الأرض وقال له نعم، ولكن كيف عرفت؟ فرد عليه الرجل المسافر لأن كل ما أخبرتني به صحيح من الناحية الفنية ولكنه في نفس الوقت لا يفيد بشيء, فأنا لازلت لا أعرف أين أنا.و في الواقع أنت قمت بتضييع وقتي.
ولما سمع الرجل ذلك سأله وهل تعمل مديراً في إحدى الجهات؟، فقال له الرجل نعم، ولكن كيف عرفت؟، فأجابه المهندس قائلاً لأنك لا تعرف أين أنت، ولا إلى أين أنت ذاهب، يوجد حجم كبير حملك إلى حيث أنت, وبالرغم من ذلك تتوقع من أشخاص في الأسفل مساعدتك. والأكثر من ذلك أنك تلقي باللوم علي أنا رغم أنّك على نفس الوضعيّة قبل ملاقاتي!!.