يصير ع الرّجال ...

واحد قاعد في توالات عموميّة متاع قهوة ... يسمع في صوت في التّوالات إلّي جنبو يسئل :
_ اهلا بيك , سافا ؟
ما عرفّش شكون يتكلّم في التّوالات لخرى لكن جاوبو و هو فادد :
_ سافا !
السّيد لاخر زاد سئلو :
_ مالا قلّي آش عامل توّا ؟
ملاّ أسئلة !! فمّا عباد تتوقّع منهم كل شي ! حب يجاوبو و يرتاح منّو :
_ آش عامل ؟ هاني قاعد كيفك
_ مالا إنّجّم نجي بحذاك ؟
آه !! هاذا ما يطلع كان مهبول ! زاد طوّل بالو معاه و جاوبو :
_ لا لا ! توّا مانيش لاهي
يسمع في السّيد لاخر يتكلّم و هوا طايرتلو :
_أسمع , توّا نعاود نطلبك من بعد ! فمّا واحد بوهالي بجنبي قاعد يجاوب على كلامي الكل