ما ناقصنا كان ... شويّة كرامة

كل ما نحل التّلفزة و نعمل دورة ع الفضائيّة العربيّة , نزيد نتأكّد أنّو أحنا العرب أمورنا في الجبن و ما ناقصنا شي ! منين إدّور تلقى كليبات و غنى و شطيح و رديح , دون هاك المنوعات متاع ستار أكاديمي و سوبر ستار .... و زيدهم موش حتئدر تغمّض عينك و أفلام مترجمة ...شي يعمل الكيف.




حاجة وحدة تخلّيني نتنرفز ونفد هي الأخبار! ملّي تبدى لوين توفى ما تسمع كان العرب كلاو على روسهم .هوّا في العراق قتلو و فجرو ... هوّا فلسطين كسرولهم و هدّولهم و قتلولهم ... غير مشاهد القتل و البؤس و الذّل...

فسحة في أحد مساجد بغداد


سيّدة فلسطينيّة لم تطق رؤية إبنها وقد تمّ إحتجازه بدون سبب يذكر


تحاول الدّفاع عنه و فكّ أسره ...



حاسيلو نتمنّى نهار تسمع أخبار تفرّح و يقولو مثلا : فلسطين تعود لنا , توحّد البلدان العربيّة و ماعادش فمّا حدود , المواطن العربي يعاني من فائض من الحرّية و العدالة و الخيرات بصفة عامّة و يقوم بتصديرها إلى الخارج ...
لكن في الوقت الرّاهن إنّجمو نقولو أنّو كل شي موجود ... و ما ناقصنا غير شويّة كرامة ... شويّة كرامة ... شويّة كرامة يا محسنين ... للّه يا محسنين