Citation du jour

18‏/3‏/2008

أشرف الخلق ...


في تعليق على آخر تتدوينة طلب منّي واحد باش نخصّو أحنا المدونين أرتيكل على النّبي صلّى اللّه عليه و سلّم بمناسبة المولد النّبوي الشّريف.
شعور بالحزن و بعدم الرّضى عن النّفس حسّيتو كيف جيت باش نكتب ...
حسّيت بروحي ضايع برشة و بعيد عن النّبي صلّى اللّه عليه و سلّم ...
كل ما نكبر كل ما نفسد ...
ما عاد نخمّم كان في الدّنيا و نسيت أنّي نهار آخر باش نموت ...
على كل هاذي فرصة باش الواحد يجدّد فيها العهد مع رسول اللّه , ولّي أحنا آمنّا بيه وتبّعناه على اختيار و عن قناعة تامّة و موش بالوراثة ...
و يظهرلي زايد باش نحكي على خصالو ولاّ عن مقامو إلّي و رغم المحاولات اليائسة من أعداء الإسلام , الحاقدين, و حتّى من بعض المدونين إلّي ختارو باش يحاربو اللّه و رسولو... يبقى مقامو في السّماء عالي ... و يكفي أنّو أقرب البشر إلى اللّه عزّ و جل, و أحبّهم إليه ,
فهو مصطفى المصطفين وخير الأخيار وسيد المرسلين وإمامهم أجمعين صلى الله عليه وسلم .
و في الأخير, نشاللّه نكونو عند حسن ظن النبي صلى الله عليه وسلم و هذا ما يكون إلاّ إذا قمنا بالخطوات التّالية :

1.ينبغي أن تحلَّ التوبة مكان المعصية.
2.ينبغي أن تحلَّ الطاعة مكان الغفلة.
3.ينبغي أن تحلَّ الجدية والرجولة والهمة العالية مكان الميوعة والكسل والفتور.
4.ينبغي أن يحلَّ الاهتمام بالتفوق العلمي والابداع مكان جمود الفكر والعقل.
5.ينبغي أن تحلَّ الإيجابية مكان السلبية.
6.ينبغي أن يحلَّ الانتماء للأمة مكان التبعية الغربية.
7.ينبغي أن يحلَّ العمل النافع المجدي مكان الفراغ وإضاعة الوقت في توافه الأمور.
8.ينبغي أن يحلَّ الفهم الشامل للإسلام محل الفهم المنقوص أو المغلوط.
9.ينبغي أن يحلَّ إيثار المجتمع والأمة على الفردية والأنانية.
10.ينبغي أن يحلَّ الأمل مكان اليأس.

إنّ الله لا يغيّر ما بقوم حتى يغيّروا ما بأنفسهم


هناك 6 تعليقات:

غير معرف يقول...

ya3tik essa7a T.Bien dit

DaliPotter يقول...

يعطيك الصحة يا وانتد عل هلتدوينة

اللهم صلي و سلم و بارك عل سيدنا محمد

Kristou يقول...

Bravo !

العزة للاسلام يقول...

يرحم والديك وانشاء الله الكل يفيقوا .... اللهم أعز الاسلام والمسلمين ...اللهم صلي على سيدنا محمد وعلى أله وصحبه ومن تبعه الى يوم الدين...

غير معرف يقول...

salem
tres bien dit ya wanted
je veux juste ajouter que 7obb ennaby (s) ça passe d'abord par le fait de suivre sa sounna et ses recommandations mouch na3mlou elli yodh'hrelna w ba3ed nemchou n3aytou chwaya fi echare3 w ennaddeddou etc ..et c tt..
houma ceux qui ont fait les caricatures ma tjarr'ou w 3amlouha ken 3la khater chafouna a7na 3atin une image quasi nulle de nous meme alors faut pas s attendre à meilleur que ça de leur part
...

StartUp.Tunisie يقول...

tres bon post et merci pour le rappel