الدّين.. و الفوتوشوب

صورة صخرة ساجدة

و توّا هزّت راسها !!!

فمّا حاجات يلزمنا نفهموها و نتجنبوها خاترها تسئ بفهوم الدّين و سمعتو, الشّئ إلّي خلّى برشة جماعة تستهزئ بالإسلام و غالبا ما تكون عندهم حجج قويّة ضد المسلمين. و من بين هالحاجات المواضيع الدّينيّة إلّي يتناولوها روّاد هذه المنتديات الإسلاميّة, والّي هي في الغالب قصص و أكاذيب و صور مفبركة , تقولش عليه الإسلام في حاجة لهالخرافات و الصّور باش النّاس يقتنعو بيه. و من بين المواضيع إلّي شفتها مثلا :
فتاة إستهزأت بالقرآن فتتحوّل إلى عنزة
إسلام مايكل جاكسون
آثار تعذيب القبر على شاب مدمن على الإستماع إلى اللأغاني
صورة حديقة في ألمانيا تكوّن الأشجار شهادة التّوحيد والسّلطات تغلق الحديقة!
جهاز رسم القلب يرسم كلمة اللّه في أحد مستشفيات أمريكا
صورة جنّي تقتل ملتقطها ......
و هالمواضيع يقراوها الآلاف و الآلاف...

بكلنا نعرفو عظمة الخالق و قدرتو على كل شئ , أما هالخرافات بكلها ملفقة و تظر بمفهوم الدّين أكثر ملّي تنفع