Citation du jour

28‏/12‏/2007

برّا أخطونــا

ليوم تفاجئّت و تعجّبّت من تصرّف بعض الشبّان, إلّي لحقيقة عودونا بأفعالهم الغريبة.. نحكي على هاك الشباب إلّي داخلين على الدّين بقوّة, وفي ليلة و ضحاها تلقاه يولّي لابس هركة و يشمّر السّروال ويبدى يطوّل في اللّحية إلّي تكون في أغلب الأحيان مازالت كي بدات تنبت في وجهو. و يولّيو يتنقلو جماعات و يسلمو على بعضهم بطريقة غريبة.. ها الجماعة هاذم طلعولنا بطلعة جديدة! قالّك ولاّو يهزّو في المصاحف من الجوامع واللّي فيها تفسير للقرآن الكريم , كيما تفسبر الجلالين.. و ها المصاحف يقومو بعد بحرقها أو تمزيقها... الشّيء إلّي خلّى الإمام يناشد ليوم في الخطبة متاعو باش نولّيو نعسّو النّاس الكل خاطر الكتب الكل فصعو بيهم.. و دعالهم في الأخير بالهداية ..
ها الجماعة ظاهر فيهم موش عاجبهم التّفسير إلّي في ها الكتب ..
قالّو تعرفشي العلم, قالّو نزيد فيه


هناك تعليقان (2):

Tarek طارق يقول...

يعني إذا كان عندهم مشكلة مع تفسير الجلالين ينجمو يردو و يناقشو بالتفسير إلي يراوه صالح.. أما الحرق و التمزيق فهي صفات العي و العجز على الجدال... طبعا هذاية مجرد مؤشر آخر على أن الظاهرة متاع التدين الوهابي يلزمها مواجهة فقهية صادقة و ذات تأثير على الأجيال الجديدة... إذاعة الزيتونة وحدها ماهياش كافية... ضعف الفقهاء الرسميين و حتى الفقهاء المعتدلين إلي ماهمش لاقين نصيب يشجع على تأثير الفقهاء الوهابيين

hope يقول...

je suis vraiment étonné j'arrive pas à croire ce que j'ai lu dans cet article. on est arrivé à ce stade de l'igonrance ??????????? c'est grave et "rabbi yahdihom"mouch kafia lha ejma3a yelzem chwaya taw3ya khater hal el lawled el sghar sont tres influansable et je suis sure que c pas leurs idées!!!!!